dina hiji mangsa Prabu Sri Baduga Maharaja raja Galuh Pakuan
kadatangan semah. Eta semah teh utusan ti Prabu Hayam Wuruk raja
Majapait nu maksud kadatangan na ka karajaan Galuh Pakuan teh nyaeta
hayang ngalamar Putri karajaan Galuh Pakuan nu namina Dewi Citraresmi.
kabayang jaman harita eta utusan jauh-jauh ti Majapait di Jawa
Tengah naek kuda pastina (da can aya jalan aspal) nepi ka Galuh Pakuan
di Jawa Barat ngan ukur nedunan parentah dunungan nu hayang ngalamar
hiji awewe (naha teu aya nu leuwih geulis kitu di Majapahit nepi ka kudu
jauh-jauh kitu???)
tuluy kitu....kacaritakeun eta lamaran
prabu Hayam wuruk teh ditarima ku Prabu Sribaduga Maharaja. Malah arek
di anteurkeun tah Putri na teh ka Majapahit sakumaha pa menta Prabu
Hayam Wuruk.
kumaha heuteu atoh eta Sri Baduga Maharaja atuh
meureun, Sabab Karajaan Majapait nu boga wilayah gede di nusantara
(Indonesia) malah kacaritakeun wilayah na nepi ka Malaka
(Singapur,Malaysia, jeung Thailand).
teruskeun...ari Patih
Majapait nyaeta Gajahmada nu katelah pamingpin perang nu gagah. Geus
loba raja nu ngaku taluk jeung tunduk batan kudu nyanghareupan Gajahmada
nu pinter strategi jeung pasukan Majapait nu loba pisan. Gajahmada
kungsi ngedalkeun sumpah yen maneh na nepi ka iraha bae moal dahar buah
Palapa (kalapa) sa acan bisa nalukeun kabeh karajaan di nusantara.
sababaraha poe ti harita nya indit weh Prabu sri Baduga jeung rombongan
seserahan ka Majapait barang nepi ka lembur nu ngarana Bubat (lain Buah
Batu) teu jauh ti kuta raja Majapait.Prabu Sri Baduga nitah Ki Patih
Madu patih Galuh Pakuan. maksud ngabejakeun yen rombongan panganten
awewe teh geus nepi ka dinya jeung hayang di sambut.(da can aya hape
jaman harita mah mun geus aya mah nya kari ngesemes weh meureun kieu sms
Sri Baduga "Yam posisi urg gs d bubat yeuh...sadiakeun kadaharan cing
loba urg jeung rombongan cape pisan da jauh pisan geuning imah nte teh"
moal tutah titah ka Patih Madu sagala) sakituna...hayam wuruk
ngarasa bungah pisan ngadenge eta beja ti Patih Madu. tuluy Hayam Wuruk
nitah deui patih Gajahmada mapageun eta rombongan. Tapi kukituna eta
patih embung nedunan titah raja sabab na ngarasa adigung maenya nagara
gede siga Majapait nyampeurkeun raja leutik ti galuh.ayeuna mah kieu weh
keun sina di anteurkeun eta awewe urang anggap upeti ti karajaan Galuh
talukan Majapait. barang ngadenge eta beja ti Patih Madu.Prabu
Sribaduga ngadadak ambek kabina-bina ceuk maneh na "na goreng adat
teuing eta urang Majapait teh geus mah di anteurkeun jauh-jauh naha bet
dianggap upeti memang na anak aing teh barang,jeung ti iraha Galuh jadi
jajahan Majapait asa euweuh ti ditu na??? geus ayeuna mah aing teu
sudi kajeun paeh dina perang batan asa di hina kieu mah!!!" ngadenge
kitu Gajahmada asa kasinggung maneh na ngumpulkeun pasukan di kutaraja
Majapait durder bae perang di palataran bubat kusabab niat Sri Baduga
indit ti galuh teh rek hajat tapi nepi ka majapait kalah ka perang nya
tantara nu di bawa ge teu saloba tantara majapait alhasil eleh jumlah
nepi ka tilar dunya eta prabu. tinggal weh Dewi Citraremi jeung
Indung na kusabab ngarasa kajeun paeh daripada kudu jadi upeti maneh na
nunclebkeun keris kana beuteung na ngajadikeun bereum ku getih eta
palataran bubat... ti harita hayam wuruk gering parna euweuh nu bisa
ngubaran kasedih hate na...lantaran kitu gajahmada kakara ngarasa salah
yen teu satiap raja bisa di talukeun ku maneh na tuluy hiji-hiji
karajaan ngaleupaskeun diri kusabab eta kajadian ninggalikeun kagorengan
karajaan Majapait jeung nyalahan sumpah palapa.
Post a Comment for "sasakala perang bubat"